Waraana uummata Oromoo goodina Wallaagga bahaa fi uummata Guumuz gidduutti taasisameen uummaanni Oromoo lakkofsi isaanii 250 ol tahan du’aniiru jedhameera.
Obbo Bulcha Dammaksaa, dura taa’aan WFDO gaaffii fi deebii Jimmaa Yeroo waliin taasisanii akka dubbataniitti ka’umsa waraana kanaa maal akka tahe sirritti addaan baasamee yoo hinbeekamnelle raagaan namoota irra argame garuu nammota meesha waraanaa hammayya fi hidhatanii uffannaa yuuniifoormii uffatanittu dura dhukaasa jalqabe iedhama jedhaniiru.
Waraana kanarra kan ka’ee Oromoonni du’a 250 ol yoo tahan qe’een isaanii irratti gubatee looni isaanii kan saamamanis heddu akka tahan dubbataniiru.
Haatahu malee, mootummaan gaaga’umsa uummata Oromoo qaqqabe kanaa fi walumagala waa’ee waraana kanaa waan jedhees yookiin immoo dhaabufis waan raawwate hin qabu jedhaniiru.
Kun otoo kanaan jiruu,mootummaan gabaasa baaseen namoonni waraana kana keessaa harka qaban to’annoo jala akka oolchee fi nama murtiitti akka dhiyeessu ibseera.
(Gaaffii fi deebi Obbo Bulcha waliin taasifne fuul 3 irratti argattu.)
RELATED NEWS
- OFDM Press Release: The Massacre of May 2008
